من زمان اوي مش فاكر امتي تحديدا بدأت احب الكورة، اعتقد الموضوع بدأ معايا من اول وقت اتذكره من حياتي، عرفتنا علي اصحاب كتير جدا علاقتنا بيهم حاليا اقوي من اي حد، بدأت تعرفنا بالناس من المرحلة الابتدائية ويلا نلعب كورة، خليتنا نسيب الحصص وننزل نلعب كورة وخليتنا نتمد علي رجلينا، خليتنا نتخانق مع اصحابنا في ماتش ونضرب بعض وننزل الماتش اللي بعده صافيين وبنلعب مع بعض عادي، خليتنا نخلص دروسنا ومانروحش علي البيت، كنا بنروح علي الملعب نلعب ساعة او ساعتين او تلاتة، كنا بنلعب الي ان يمسنا التعب، الحاجة الوحيدة اللي انا واصحابي متفقين اننا مانزهقش منها ابدا، لما كبرنا شوية علمتنا ازاي نتحكم ف غضبنا في بعض الحالات وازاي نقيم الموقف كله انه مش مستاهل، علمتنا مانسكتش بردو عن حقنا ولو حد ظلمنا نقول انه ظلمنا ومانخفش، علمتنا حاجات كتير حلوة وحاجات كتير وحشة بس الاهم انها اكسبتنا صداقات كتير جدا حلوة وجميلة، بتجمعنا ف الوقت اللي مش بنبقي فاضيين فيه، لعب يوم الجمعة من بعد الصلاة لحد الساعة 4 او 5 كنا بنشوف فيه اصحابنا ونهزر مع بعض ونفقد اعصابنا ونتعصب علي بعض بس بردو حبايب، من يوم ما بدأ التجديد ف الملعب من شهر تقريبا وانا ماشفتش اصحابي في الفريق الا مرة واحدة وكنت مسافر فيها يعني سلمت عليهم وانا بركب العربية، الكورة مش مجرد لعبة بنلعبها مع بعض وكل واحد بيروح لحاله، الكورة هواية جواها حياة فيها ناس ومعارف وصداقة
ده ينفع فكرة إعلان أو أغنية للأولتراس :)
ReplyDelete