امبارح كنت رايح المقطم من بيتي في التجمع الخامس ولحسن الحظ أبوبا كان عنده مشوار في المقطم هو كمان ، وعرض عليا اني أتاخر ساعة عشان يوصلنى معاه ، طبعا وافقت عشان اترحم من المواصلات. انتطلقنا معا ، يبدا المشوار من شارع "الشويفات" نسبة لاسم المدرسة الدولية الكبيرة اللي المنطقة نفسها متسمية على اسمها.
نحاول الهروب من زحام "الداون تاون" و"كايرو فيستيفال سيتي" فنبدا في التخريم من عند منطقة الشويفات.
الحمد لله عدينا من الزحمة ، تنتهى الزحمة أول ما تطلع كوبري "الجيش" ، انتهى بناء هذا الكوبري من اقل من سنة ، ولكنه اغلق بعد افتتاحه بحوالي شهرين لمده اسبوع عشان اعمال صيانة !!. المهم انه الان شغال تمام. يأخذك كوبري الجيش الى محور "المشير طنطاوي" ، الطريق جميل وممهد ، تجري فيه براحتك ، في منتصف المحور بدأ أبويا يهدي وياخد الحارة اليمين ، سألته بقلق فيه ايه؟! ، ابتسم وقاللى انهم فتحوا الكوبري الجديد.
يبدأ كوبري "المشير محمد علي فهمى" من منتصف محور ”المشير طنطاوي” بالتحديد من عند ستاد"الدفاع الجوي" ويؤدي الى عده اتجاهات ، احدهم شارع ٩ في المقطم. الطريق الجديد في غاية الجمال ، بصراحة لم أري طريق زي دي في مصر قبل كده ، خاصة انه مشقوق في الجبل. واحنا بنجري على الطريق سألت أبويا عن تكلفة طريق زي ده وهل هو مهم عشان نصرف كل الفلوس دي؟! انا شايف نصرفهم على تطوير الطريق الدائري احسن -باعتبار انه الطريق اللى باخده يوميا في طريقي الى الجامعة :D - ، فرد عليا بضحكة ساخرة ان الطريق ده اللى دافع تكلفة بناءه هي احد شركات المقاولات العملاقة اللى بتبني كومباوند جديد في المقطم عشان تروج له انه على بعد خمس دقائق من التجمع الخامس ومن المعادي ومن وسط البلد ، احد الكبارة الكتيرة اللى على الطريق تذهب بك مباشرة الى الكومباوند واخر الى الطريق الدائري بالقرب من المعادي ، واخر يذهب بك الى كوبري اكتوبر مباشرة !!
هذا عن التكلفة أما عن التنفيذ فقام به الجيش ، رغم ان اللى دافع شركة مقاولات اصلا ، لكن طبعا لان كل الاراضي في مصر ملك للجيش ، ولاسباب أمن قومي قام الجيش ببناء مجموعة الطرق دي.
انتهي الطريق ووصلنا للمقطم في اقل من ١٠ دقايق. طبعا انبسطت ، بس جه ساعتها في دماغي انى هاحتاج اروح موصلات. وساعتها الدنيا مش هاتبقا حلوة زي ما هي وانت راكب العربية.
هاحكيلكم عن طريق العودة المرير المرة الجاية. سامحوني بس انا لسا متعصب منه فمش هاعرف احكيه بلغة لائقة الآن :D
أنا مكنتش أعرف إن الطريق ده موجود :)
ReplyDeleteافضل شركة ونش انقاذ سيارات في الرحاب و السلام
ReplyDeleteونش انقاذ مدينة نصر
ونش انقاذ المقطم