لأني بقيت واحدة من سكان الحي الأول في أكتوبر دة خلاني أتعامل مع سوريين أكتر من المصريين حرفياً (خارج الجامعة طبعاً) سواء الجيران، محلات السوبر ماركت ،المطاعم المجاورة كله سوريين .و كل سوري بيشغل اللي معاه كلهم سوريين ولاحظت كمان حتي المصريين بقوا بيفضلوا يشغلوهم معاهم.
يعني كمثال على دة أنا روحت مثلا سكنين طالبات مختلفين، كانت الدادات والمشرفات كلهم سوريات :3
ثانية واحدة !!!
اومال ليه فيه بطالة وشحاتين؟
هو الرزق يحب السوريين ولا الإيد البطالة مصرية!
ليه دايماً وأنا ماشية في الحصري بلاقي الشحاتين كلهم مصريين او مصريات في حين ان الشحاتين المصريين دول واقفين قدام محل سوري انا رايحة اشتري منه و راجعة البيت علشان تستقبلني الدادة السورية بابتسامتها :D
السوريين بعد وقت بسيط جداً قدروا يسموا المنطقة اللي شغالين فيها (بممر السوريين) بعد ما اياً كان اسمه قبل كدة.
كانوا جايين لاجئين ودلوقتي انا لو قابلت حد مصري في الحي الأول بيبقي كأني انا اللي مهاجره وبالصدفة لاقيت مصري معرفش بقيت الأحياء ايه نظامها، بس السوريين يتحبوا الحقيقة كفاية أطفالهم ياخرابي على جمالهم ما شاء الله . ^_^
تكرم عيونكم...
هايل يا يمنى
ReplyDeleteاقري أكتر عن لجوء السوريين لمصر، و اللي حصل معاهم في صيف 2013.
حاولي تتكلمي معاهم أكتر و عرفينا هما إزاي قدروا يلاقوا فرص هنا.