كتير كانوا بيتكلموا قدامى عن الوطنية و حب الأوطان .. و كان ديماً رأيى بإن دة شىء ملوش أساس كبير من الصحة ، لكن بعد أما شفت حب كل شخص ف عيلتى للمكان إلى أتولد فيه .. بدأت أغير رأيى .. مش بس المدينة لأ دة البيت كمان ، و أظن إن دة إلّى خلى والدى يقرر إننا هنعيش ف بيت جدتى القديم بعد أما هى غيرت البيت .. و أظن برضو إن دة كان سبب حزنى الشديد (الى مكنتش عارف له سبب ساعتها ) و أنا ببات أول ليلة ف بيت جدتى ..
و مقدرش أنسى لمعة عين أمى و أحنا رايحين مستشفى الدمرداش وهى بتحكيلى عن كواليس ولادتها هناك .. و لمعتها أكتر و أحنا رايحين لخالها إلى برضو إتنقل للعيش ف بيت جدة أمى بعد اما توفت و طبعاً كان واضح جداً أن دة كان مسقط رأس والدتى زى ما حكتلى بعد كدة..
فيه رابط غريب بين كل إنسان و المكان إلى أتولد فيه .. ذكريات .. حنين .. أول مرة تشوف الدنيا .. معرفش بصراحة سبب واضح .. لكن إلى أعرفه إنه .. سحر الأوطان.
و مقدرش أنسى لمعة عين أمى و أحنا رايحين مستشفى الدمرداش وهى بتحكيلى عن كواليس ولادتها هناك .. و لمعتها أكتر و أحنا رايحين لخالها إلى برضو إتنقل للعيش ف بيت جدة أمى بعد اما توفت و طبعاً كان واضح جداً أن دة كان مسقط رأس والدتى زى ما حكتلى بعد كدة..
فيه رابط غريب بين كل إنسان و المكان إلى أتولد فيه .. ذكريات .. حنين .. أول مرة تشوف الدنيا .. معرفش بصراحة سبب واضح .. لكن إلى أعرفه إنه .. سحر الأوطان.
No comments:
Post a Comment