أم آية : مشرفة سكن الطالبات السورية
الست دي مكانتش صغيرة في السن يعنى احتمال في أواخر الأربعينات مثلاً ! كانت بتحب تقعد معانا اثناء فترة عملها في الشقة اللي انا كنت ساكنة فيها .المهم ان من حديثها معايا عرفت ان اللي شافته في حياتها مش قليل خالص و ان كان عندها ولدين كبار و بنت صغيرة عسولة جدا ^_^ دي أيه . ليه أم آيه مع ان عندها ولدين كبار!
للأسف الولدين دول ماتوا اثناء قذف بشار الأسد فاضطروا الهروب الي مصر باللي حليتهم زي ما بنقول بالمصري*
وفاة الولدين دول اثر فيها جدا خصوصا ان الولد الكبير كان علي وشك الزواج. آية كمان اتهزت اوي بوفاة اخواتها و مش بس كدة . انا سالتها لو اذا كانت تاقلمت مع اصحاب جدد و اخبار الدراسة قالتلي ان معندهاش اصحاب مصريين تقريبا لسة.
 هي بتدرس في مدرسة للسوريين بس تقريبا تبع السفارة!
نرجع لطنط أم آية :D
الست دي كانت بتشتغل في السكن طول النهار و بليل لما بتروح ،عندها ماكينة خياطة بتفصّل ملايات وخداديات ومفارش و سجاجيد صلاة و اسدالات صلاة و تيجي تعرضها علينا في السكن علشان لو حد عاوز يشتري :3
الست دي كانت طيبة جدا كانت عارفة اني برجع في اليوم دة من الجامعة متأخر، روحت في مرة لاقيتها مستنياني وبتسلم عليا بابتسامتها المعهودة : " أهليين :D كيفك يمنه شكلك كتير تعبانة لليوم . شوفي حبيبتي افتحي التلاجة هتلاقي اكل كتير طيب انا عملته كنت عاوزة نتغدي سوا لليوم بس وصلتي متأخر." اسم اكلة غريبة اول مرة اكلها مش فاكرة اسمها بس كل اللي فكراه انها كانت اكلة كتير طيبة ^_^
دي قصة من تعاملاتي مع السوريات
هن كتير مهضومات :))