وهى المدينة ايه غير قعدة الصحاب !!
اول حاجة بتيجى فى بالى عن المدينة هى روتين الشغل. ضغط الايام.
ساعات بسأل نفسى هى المدينة ممكن تكفل تكفل لينا المأوى والمأكل والملبس من غير مانشتغل؟ ياسلااام على المدينة من غير شغل. اكيد كنا هنحبها!!
بس برجع واقول وايه يعنى لما نتعب علشان خاطر مدينتنا ترتاح؟ وهى الحياة تبقى حياة من غير معاناه!!
انا لو هطلع من المدينة دى بحاجة يبقى كفاية على قعدة الصحاب كل يوم على القهوة البلدى مع فنجان القهوة والطاولة وصوت الست ام كلثوم بتغنى "ودارت الايام...ومرت الايام". ياسلام على البهجة والترقب اللى بيرفروا فى القعدة مع رمية الزهر وشيش البيش.
المدينة بالنسبة لى هى الزهر ولما بتضحك لى بتدينى شيش البيش