أظن واحدة من أكبر المشكلات فى المكان اللى انا عايشة فيه هى التحرش.
زمان كنت بقول انها علاقة بين طرفين: غض بصر من ناحية و احتشام من الناحية التانية ، بس بقيت ألاقى ناس بتبرر التحرش بعدم احتشام البنت ف ضوء العلاقة دى ، مع ان دلوقتى حتى المحتشمة بيتحرشو بيها ، و اكتشفت ان لما ربنا أمر بغض البصر اكيد كان عشان اللبس اللى مش محتشم ، طب لو كل البنات هتحتشم، ربنا أمر بغض البصر ليه ؟!
أمر بغض البصر عشان و انا معدية من قدام حد مالاقيهوش بيبص عليا من ورا مع انى لبسي يعتبر واسع نسبيا ! لو ربنا أمر بغض البصر لو لقيت لبس مش محتشم فمابالك بقى باللى بيقول كلمة أو بيحط إيده !
و بستغرب جدا م اللى بيقول ان الأفلام سبب من الأسباب مع ان زمان ف الستينات كان فيه أفلام كتيرة فيها مشاهد إباحية و لبس مش محتشم ده إن ماكانش كل الأفلام و كان التحرش نسبته أقل ! التحرش ماهو إلا حكم القوى على الضعيف و حب الافترا و مالوش علاقة بأى حاجة تانية !
دى واحدة من المشاكل الكتيرة اللى اتضح انها غير قابلة للحل، و اللى مخليانى كارهة العيشة هنا و نفسي اهاجر. ويكأن البلد بتقولنا: "امشو بقي زهقتونى".
زمان كنت بقول انها علاقة بين طرفين: غض بصر من ناحية و احتشام من الناحية التانية ، بس بقيت ألاقى ناس بتبرر التحرش بعدم احتشام البنت ف ضوء العلاقة دى ، مع ان دلوقتى حتى المحتشمة بيتحرشو بيها ، و اكتشفت ان لما ربنا أمر بغض البصر اكيد كان عشان اللبس اللى مش محتشم ، طب لو كل البنات هتحتشم، ربنا أمر بغض البصر ليه ؟!
أمر بغض البصر عشان و انا معدية من قدام حد مالاقيهوش بيبص عليا من ورا مع انى لبسي يعتبر واسع نسبيا ! لو ربنا أمر بغض البصر لو لقيت لبس مش محتشم فمابالك بقى باللى بيقول كلمة أو بيحط إيده !
و بستغرب جدا م اللى بيقول ان الأفلام سبب من الأسباب مع ان زمان ف الستينات كان فيه أفلام كتيرة فيها مشاهد إباحية و لبس مش محتشم ده إن ماكانش كل الأفلام و كان التحرش نسبته أقل ! التحرش ماهو إلا حكم القوى على الضعيف و حب الافترا و مالوش علاقة بأى حاجة تانية !
دى واحدة من المشاكل الكتيرة اللى اتضح انها غير قابلة للحل، و اللى مخليانى كارهة العيشة هنا و نفسي اهاجر. ويكأن البلد بتقولنا: "امشو بقي زهقتونى".
التحرش عنف، مش شهوة
ReplyDelete