من كام شهر كده الغسالة الاوتوماتيك بطلت تعصر الهدوم وبعد كده بشوية بطلت تغسل الهدوم بقيت بتبلهملك مياه وانت تكمل الباقي وبعد كده النت قطع بقاله شهر ومش راضي يجي وقام التكيف قرر يقلب دفاية ومايسقعش تاني. الحاجات ديه لما كانت بتحصل في بيتنا قبل مااتغرب ماكنتش بهتم عشان كان فيه حد بيهتم يصلح الحاجات ديه فالحاجات ديه كلها حصلت فجأه وكل حد فينا مستني التاني يروح يجيب حد يصلح الحاجات اللي بايظة ديه وطبعا كلنا داخلين منافسة انا مش هخسر واتنازل وبقينا عايشين في خرابة.
المهم لما التكيف قرر يقلب دفاية وبما ان اكتوبر مدينة تحب الاحتباس الحراري فاتنزلت عشان ادور على حد يجي يصلح التكيف فعشان احنا متغربين فمنعرفش حد فقررت اكلم التوكيل فالراجل ادي الرقم لواحد صاحبه وحبوا يعملو مصلحة لما عرفوا اننا طلبة ومأجرين فقالي هاجي اصلحلكوا التكيف من غير مايعينه بمبلغ كده يجيب تكيف جديد والله طبعا عشان احنا جامدين جدا قولناله لا بس مش عشان اننا عرفنا انه بيضحك علينا لا عشان ماكنش معانا فلوس ساعتها "متغربين وكده"
المهم ولاد الحلال جابولنا ابو زين السوري اول لما كلمته افتكرته راجل خمسيني بس لما جه لقيته شاب تلاتيني بس صوته كان تخين شوية عشان بيشرب سجاير المهم يعني كان كل شوية لما يقولي "تكرم عيونك ياست الكل" اقوم انا انبسط, هو مش ده المهم اوي. المهم بقى انه خريج صحافة واعلام ودارس معهد تبريد وتكيفات بسوريا وقالي "التعليم عنا بسوريا انضف من التعليم عنكو بمصر, انتو هون عم تحشو معلومات عن نفس الفكرة لكن عنا بسوريا بنعرف فكرة ونضلنا عم نطبق فيها لنفهم" الخلاصة شكله فاهم يعني.
هو مفروض انه هيجلنا كمان ساعتين تاني يشوف التكيف تاني وعقبال الغسالة والنت يارب.
الغربة حلوة ياجماعة.
المهم لما التكيف قرر يقلب دفاية وبما ان اكتوبر مدينة تحب الاحتباس الحراري فاتنزلت عشان ادور على حد يجي يصلح التكيف فعشان احنا متغربين فمنعرفش حد فقررت اكلم التوكيل فالراجل ادي الرقم لواحد صاحبه وحبوا يعملو مصلحة لما عرفوا اننا طلبة ومأجرين فقالي هاجي اصلحلكوا التكيف من غير مايعينه بمبلغ كده يجيب تكيف جديد والله طبعا عشان احنا جامدين جدا قولناله لا بس مش عشان اننا عرفنا انه بيضحك علينا لا عشان ماكنش معانا فلوس ساعتها "متغربين وكده"
المهم ولاد الحلال جابولنا ابو زين السوري اول لما كلمته افتكرته راجل خمسيني بس لما جه لقيته شاب تلاتيني بس صوته كان تخين شوية عشان بيشرب سجاير المهم يعني كان كل شوية لما يقولي "تكرم عيونك ياست الكل" اقوم انا انبسط, هو مش ده المهم اوي. المهم بقى انه خريج صحافة واعلام ودارس معهد تبريد وتكيفات بسوريا وقالي "التعليم عنا بسوريا انضف من التعليم عنكو بمصر, انتو هون عم تحشو معلومات عن نفس الفكرة لكن عنا بسوريا بنعرف فكرة ونضلنا عم نطبق فيها لنفهم" الخلاصة شكله فاهم يعني.
هو مفروض انه هيجلنا كمان ساعتين تاني يشوف التكيف تاني وعقبال الغسالة والنت يارب.
الغربة حلوة ياجماعة.
No comments:
Post a Comment