فإذا بها تخطف أنظاري من بعيد ..
بجد إللي أنا شايفاه دا :D
هنا ف البلد ؟؟ عملوا حماصة لب ؟؟ (واللي بنسميها مقلة عندنا ف البلد يعني *_* )
أنا سعيدة جدا :v وقريب من بيتنا كمان !
يعني مش هنتصل ب بابا تاني وهو ف الشغل قبل م يروّح نقوله يا بابا ممكن تجيبلنا لب وانت جاي ؟
يعني وقت لما نحب ناكل لب هننزل نشتري عادي ومفيش أي صعوبات ولا مشاكل كدا ؟ :D
أيوا ، احنا فعلا ف 2016 .. وبلدنا مكانش فيها مكان بيعمل لب طازة ، .. قريتي (أم خنان ، مش بتاعت الجيزة .. لاء بتاعت المنوفية :D )
كان بيبقي في لب ف أكياس ، لكن مش لسة معمول وطازة ، وطبعا مكانش بيقي حلو .. مكانش بيتقارن باللب اللي بابا بيجيبهولنا وهو راجع من الشغل كدا :D . شغله ف شبين الكوم .. ودي تقريبا احسن مدينه من المراكز السبعة اللي ف المنوفية .
انتقاللا للمقر الجديد ، بمفردي، في مدينة السادس من أكتوبر . كان نفسي إمبارح إني آكل لب جدا * بم انه الخميس بقي ودا يعتبر اليوم الفري بتاعي من المذاكرة عامة ، ف فيها إيه لما اجيب لب بالمرة واتسلي * .
وأنا ف محل عمو السوري اللي تحت بيتنا بالظبط حيث كنت بشتري عيش (سوري بردو) لما رجعت م الجامعه الساعة 5:30 ..
بصيت لقيت في لب ف أكياس .. المنظر المعتاد .. (واللي كنت بشوفه دايما ف سوبر ماركتات البلد عندنا )
قلت اجرب واجيب ، ولما طلعت الشقة وبقول لسلمي (رفيقة الشقه التانيه غير يمني <3 ) إني جبت لب وبديها وبناكله .. شيت طلع وحش وبايت وملوش طعم أصلا.
سلمي : مجبتيش ليه من مقلة الحصري ؟
أنا : أوبس !!! إزاي نسيت .. يادي الذكاوة !
دا طلع في فعلا مقلة ف الحصري وانا ناسية ، أو مش واخدة بالي أصلا ! وضحيت وجبت من الاكياس بتاع السوبر ماركتات :\
- وبعدين أنا ازاي قاعدة ف اكتوبر بقالي سنة ونص ومش واخدة بالي إن في مقلة ف الحصري ؟؟
_ طيب تمام , بعد كدا همشي باصّة بعين المفتش كرومبو عشان لما أعوز حاجه مالبسش وأجيب أي حاجه تقضي الغرض وخلاص
أنا بشجع موضوع كرومبو ده، لو حيخليكي تلاخظي لغة المدينة ;)
ReplyDelete