الأماكن بتأثر بشكل مباشر و غير مباشر علي الناس العايشين فيها، يعني مثلا الناس اللي اتولدوا و كبروا في أماكن جميلة ذات طبيعة خلابة دايما بأشوف فيهم جمال الطبيعة ده، مش بس بتأثر علي شخصياتهم وسلوكهم، لا كمان بتأثر حتي في ملامحهم. الأماكن بتسيب فينا انطباعات شبه المكان و شبهنا، يعني مثلا في أماكن كتير أول ما روحتها حسيت أني حبيتها و أنها كمان حبتني و حسيت راحة و ألفة متبادلة، علي عكس أماكن تانية كتيرة حسيت فيها نفور متبادل. أكبر مثال علي الأماكن الجميلة اللي حبيتها و حبتني هو الشارع العظيم اللي جنب برج القاهرة، كمية الجمال و السعادة اللي في الشارع ده مش طبيعية فعلا، الشجر الأثري الرائع اللي علي جنبين الطريق، رائحة الشارع نفسه تحسسك بالسعادة و البهجة. الشارع ده حبيته أكتر من البرج نفسه تقريبا.تقريبا ده من أجمل شوارع مصر اللي شوفتها. روحوا المكان ده يا جماعة هتلاقوه حاببكم و أكيد هتحبوه أنتو كمان :D.
شفتي شجرة التين العتيقة في وسط الشارع؟ :)
ReplyDelete