ونظرا لأن العمر في أكتوبر بيتقاس بالأسابيع ، فاحنا بقينا في الاسبوع السابع من الترم يعني مش فاضل الا نص النيرم و كالعادة الحياة بتطير ..
لما تفكر ليه الوقت بيجري بسرعة وليه مبنحسش بيه وليه بنقول مبقاش فيه بركة في الوقت فدا ممكن يكون راجع للتقليدية والروتينية في الحياة وبالتالي انت كانسان مبتحسش بالفعل اللي بتفعله وبيمر عليك من غير ما تكون عشته .. وهنا يكمن سر الحياة أنك في كل حاجة بتعملها تحس بيها وتتفكر فيها وتمعن النظر .. لو الإنسان اتنفس براحة وحس بالزمان وهو بيعدي وشاف التفاصيل والمكان من حوله هيحيا حياة سليمة .. لكن ضغوط الحياة على طول موجودة .... والأمس لما ركبت المواصلات راجع لبيتي سمعت الراجل اللي قدامي بيتكلم ومتعصب أن اللي بيكلمه لسه مجبش العلاج لوالدته ودي ممكن تكون من المرات القليلة اللي بركز فيها مع الناس اللي راكبه معايا ودايما مهما كنت مضغوط في الحياة بالدراسة ففي ملايين الناس مضغوطين برده وبيجروا في الحياة عشان يقدروا يواصلوا والراجل مازال متعصب لحد ما اتفق مع اللي بيكلمه أنه يجيب العلاج بكرة عشان والدته محتاجاه ... المشهد دا ممكن يكون بيتكرر مع ناس كتيير وأسر كتيير وأول حاجة خطرت في بالي بعدها صور المستشفيات الحكومية والرعاية الصحية المعدمة وصور حملة عشان لو جه ميتفاجئشي واليومين اللي بعده روحت مستشفى تبع الشرطة وشوفت فرق مستوى الخدمة وهنا كانت لحظة قاسية وتمثلت فيها عدم المساواة ... للأسف مهما قعدنا نكتب ونتكلم ... أنا بشوف حواليا الواقع بيسوء اكتر وا كتر وامبارح كنت بحضر محاضرة في المدينة بتتلكم عن مشاكل المياه والصرف الصحي وازاي بتاثر على حياة الناس الصحية واحصائية أن تقريبا نص مليون طفل بيموتوا سنويا من الاهمال الصحي ومشاكل المياه وان 15 في الميه من القرى متوصلة بشبكة صرف صحي والباقي عبارة عن مستنقعات وعشوائيات والبالتالي الوضع سيء ويدعو للتشاؤم بس المحاضر قال حاجة مهمة مهما كانت الظروف صعبة حوالينا والمجتمع أوضاعه متأخرة ففيه دايما الفرصة أننا نغير ونحسن أي حاجة ونقدم حلول لشاكل المياه والصرف الصحي وقال ان مش شرط الحلول تبقى علمية وتكنولوجية عالية ممكن تبقى بسيطة وسهلة وتحل وقال جملة صعبة حقيقةً ان الاف المهندسين من الشباب بيتخرجوا سنويا بس مفيش حد منهم بيروح القرى والعشوائيات ويحاول يصلح كله بيدور على الشغل في الشركات والمكاتب والتكييفات وعشان كدا مشاكل مصر هتفضل موجودة طول ما احنا بنفكر بالشكل دا ما بالك بقى في اللي بيتعلم في زويل وهدفه انه يسافر برا ويكمل ...ازاي هيفيد بلده افادة مباشرة بعد ما يتخرج ..
هل المستقبل هيبقى مشرق والزمن هيتغير والمكان يبقى أحسن ولا الوضع هيفضل يسوء وانت هتسافر برده ؟؟؟
لما تفكر ليه الوقت بيجري بسرعة وليه مبنحسش بيه وليه بنقول مبقاش فيه بركة في الوقت فدا ممكن يكون راجع للتقليدية والروتينية في الحياة وبالتالي انت كانسان مبتحسش بالفعل اللي بتفعله وبيمر عليك من غير ما تكون عشته .. وهنا يكمن سر الحياة أنك في كل حاجة بتعملها تحس بيها وتتفكر فيها وتمعن النظر .. لو الإنسان اتنفس براحة وحس بالزمان وهو بيعدي وشاف التفاصيل والمكان من حوله هيحيا حياة سليمة .. لكن ضغوط الحياة على طول موجودة .... والأمس لما ركبت المواصلات راجع لبيتي سمعت الراجل اللي قدامي بيتكلم ومتعصب أن اللي بيكلمه لسه مجبش العلاج لوالدته ودي ممكن تكون من المرات القليلة اللي بركز فيها مع الناس اللي راكبه معايا ودايما مهما كنت مضغوط في الحياة بالدراسة ففي ملايين الناس مضغوطين برده وبيجروا في الحياة عشان يقدروا يواصلوا والراجل مازال متعصب لحد ما اتفق مع اللي بيكلمه أنه يجيب العلاج بكرة عشان والدته محتاجاه ... المشهد دا ممكن يكون بيتكرر مع ناس كتيير وأسر كتيير وأول حاجة خطرت في بالي بعدها صور المستشفيات الحكومية والرعاية الصحية المعدمة وصور حملة عشان لو جه ميتفاجئشي واليومين اللي بعده روحت مستشفى تبع الشرطة وشوفت فرق مستوى الخدمة وهنا كانت لحظة قاسية وتمثلت فيها عدم المساواة ... للأسف مهما قعدنا نكتب ونتكلم ... أنا بشوف حواليا الواقع بيسوء اكتر وا كتر وامبارح كنت بحضر محاضرة في المدينة بتتلكم عن مشاكل المياه والصرف الصحي وازاي بتاثر على حياة الناس الصحية واحصائية أن تقريبا نص مليون طفل بيموتوا سنويا من الاهمال الصحي ومشاكل المياه وان 15 في الميه من القرى متوصلة بشبكة صرف صحي والباقي عبارة عن مستنقعات وعشوائيات والبالتالي الوضع سيء ويدعو للتشاؤم بس المحاضر قال حاجة مهمة مهما كانت الظروف صعبة حوالينا والمجتمع أوضاعه متأخرة ففيه دايما الفرصة أننا نغير ونحسن أي حاجة ونقدم حلول لشاكل المياه والصرف الصحي وقال ان مش شرط الحلول تبقى علمية وتكنولوجية عالية ممكن تبقى بسيطة وسهلة وتحل وقال جملة صعبة حقيقةً ان الاف المهندسين من الشباب بيتخرجوا سنويا بس مفيش حد منهم بيروح القرى والعشوائيات ويحاول يصلح كله بيدور على الشغل في الشركات والمكاتب والتكييفات وعشان كدا مشاكل مصر هتفضل موجودة طول ما احنا بنفكر بالشكل دا ما بالك بقى في اللي بيتعلم في زويل وهدفه انه يسافر برا ويكمل ...ازاي هيفيد بلده افادة مباشرة بعد ما يتخرج ..
هل المستقبل هيبقى مشرق والزمن هيتغير والمكان يبقى أحسن ولا الوضع هيفضل يسوء وانت هتسافر برده ؟؟؟
روح اشتغل مع تامر طه في يمكن :)
ReplyDelete