بشرية عرّة

كتير باسمع عن قد ايه العالم متقدم دلوقتي وبتاع.. الحقيقة لو هانقيّم البشرية، أنا أعتبر انها فشلت فشل ذريع لغاية دلوقتي. وفكرة انها فاشلة في حد ذاتها فكرة مرهقة -بعد وجودنا في المكان ده لحوالي 200 ألف سنة. البشرية لغاية دلوقتي ماعرفتش تعمل نظام حكم ناجح إلا قليل جدًا وفي ظروف معينة يصعب تكرارها. حتى الديمقراطية، اللي مش مطبقة بين أكتر من نص البشر على فكرة، مش ناجحة بصورة كبيرة وفيها مشاكل كتير. لغاية دلوقتي ماعرفتش تعمل نظام تعليمي محترم، من غير نسب انتحار عالية أو حالات تحرش أو أعلى نسب الاستغلال والفساد. وده ليه علاقة بإنها ماقدرتش تعمل نظام اقتصادي آدمي- تركيره على الإنسان.. على الفرد- يلبي احتياجات المواطن/الإنسان والبشرية ككل. كل الأنظمة الاقتصادية حرفيًا بتحلب المواطن من أجل البلد/ال

corporate

.. و بتتدخل في نظم التعليم والبحث العلمي، سواء لتوجيه الأبحاث أو لوضع نظام جامعي كال

corporate دي..

 الشيء اللي يفضي للمزيد من حلب الفرد، "على أمل" تقدم البشرية.
البشر نجحوا في فهم حاجات كتير في الوجود، وفشلوا في أساسه.. الوجود ذات نفسه.. في تنظيم صفوفهم وتلبية احتياجاتهم كأفراد. ده شيء مؤسف فعلًا.
والمؤسف أكتر غالبًا اننا حتى ما وصلناش لهذا الليفل الواطي من التحضّر وتنظيم الصفوف، واننا ما زلنا في طور توفير الموارد الغذائية والاقتصادية.
.بس، كما علّمنا أستاذنا أحمد جمال،... هكذا الحياة يعني

هدف الكورس الأساسي اننا نفكر في المكان اللي حوالينا. الحقيقة الوضع مزري مكانيًا، مش بس عشان احنا في قاع البشرية، لكن عشان فعلًا البشرية لم تنجز الكتير على المستوى الإنساني. لو فكّرنا في الزمان كمان، هنلاقي ان الوضع مزري أكتر وأكتر. والمؤسف ان شكل مفيش أمل في إصلاحه.. لو بقالنا 200 ألف سنة ولسه مانجحناش في الأساسيات، أشك اننا ممكن نعمل ده يومًا ما.